///

બિહારમાં કરેલા ચૂંટણી વાયદાને કેબિનેટની મંજૂરી, તમામને ફ્રી કોરોના વેક્સિન અપાશે

બિહારમાં નીતીશ કુમાર સરકારની મંગળવારે કેબિનેટ બેઠક યોજાઇ હતી. જેમાં ફ્રી કોરોના વાયરસ આપવાના ભાજપના વાયદા પર મહોર લાગી ગઈ છે. તમામ લોકોને ફ્રી કોરોના વાયરસની વેક્સિન આપવાના નિર્ણયને કેબિનેટે મંજૂરી આપી દીધી છે.

કેબિનેટ બેઠક દરમિયાન આગામી 5 વર્ષમાં સુશાસનના કાર્યક્રમ અંતર્ગત આત્મનિર્ભર બિહારના સાત નિશ્ચય પાર્ટ 2ને મંજૂરી મળી ગઈ છે. આ સાથે સાથે ભાજપના 19 લાખ રોજગારના વચનને પણ કેબિનેટની મંજૂરી મળી ગઈ છે.

કેબિનેટમાં તે નિર્ણય લેવામાં આવ્યો કે સરકારી અને બિન સરકારી ક્ષેત્રમાં રોજગારના 20 લાખ નવા અવસર ઉભા કરવામાં આવશે. આ સિવાય ભાજપના વધુ એક વચન બિહારના તમામ લોકોને ફ્રી માં કોરોના વાયરસ વેક્સિન આપવાના નિર્ણયને કેબિનેટે લીલી ઝંડી આપી દીધી છે.

નીતીશ કેબિનેટની મંજૂરી મળ્યા બાદ હવે તે વાત નક્કી થઈ ગઈ છે કે દેશમાં જ્યારે પણ કોવિડ-19ની વેક્સિન આવશે તો બિહારના લોકોને રાજ્ય સરકાર ફ્રી માં ઉપલબ્ધ કરાવશે. આ સાથે નીતીશ કુમારના સાત નિશ્ચય પાર્ટ 2 કાર્યક્રમને પણ કેબિનેટની મંજૂરી મળી ગઈ છે.

હકીકતમાં નીતીશ કુમાર કેબિનેટની બેઠકમાં મંગળવારે બે મહત્વપૂર્ણ નિર્ણયો લેવામાં આવ્યા હતાં જે અંતર્ગત ચૂંટણી દરમિયાન ભાજપના બે મોટા વાયદાને કેબિનેટની મંજૂરી મળી ગઈ છે. તેમાં ફ્રી કોરોના વેક્સિન અને 19 લાખ લોકોનો રોજગાર આપવાના મુદ્દા સામેલ છે.

ભાજપે ચૂંટણીમાં વચન આપ્યું હતું કે જો તેની સરકાર બને છે તો તે બિહારમાં 19 લાખ રોજગારીની તક ઉભી કરશે. તેનાથી એક પગલું આગળ વધતા નીતીશ કેબિનેટે 20 લાખ રોજગારની તકો સરકારી અને બિન સરકારી ક્ષેત્રોમાં ઉભી કરવાના પ્રસ્તાવને મંજૂરી આપી છે.

Leave a Reply

Your email address will not be published.