//

7 વર્ષની બાળકીનો કોરોના રિપોર્ટ આવ્યો પોઝિટિવ, કોરોના હવે લોકલ ટ્રાન્સમિશનના સ્તરે ફેલાઈ રહ્યું છે

રાજ્યમાં કોરોના વાયરસના વધુ 7 કેસ આજે પોઝિટિવ આવતા હાહાકાર મચી જવા પામ્પો છે. ગુજરાતમાં સૌથી વધુ પોઝિટીવ દર્દીઓના કેસ અમદાવાદમાં નોધાયા છે.તો અમદાવાદમાં લોકલ ટ્રાન્સમિશન કેસમાં ચિંતાજનક વધારો ઈ રહ્યો છે જેમાં નવા 7 કેસ પૈકી 6 કેસ લોકલ ટ્રાન્સમિશનના હોવાનું સામે આવ્યું છે. જેથી સાબિત થાય છે કે હવે કોરોના લોકલ ટ્રાન્સમિશનના સ્તરે ફેલાઈ રહ્યો છે. અમદાવાદમાં 7 વર્ષની બાળકીનો રિપોર્ટ પોઝિટિવ આવતા હડકંપ મચી જવા પામ્યો છે. ઉલ્લેખનીય છે કે અત્યાર સુધી કોરોનાથી રાજ્યમાં 8 લોકોના મોત થયા છે. અમદાવાદમાં નોંધાયેલા પોઝિટીવ કેસોની સંખ્યામાં એક 7 વર્ષની બાળકી કોરોનાગ્રસ્ત બનતા લોકોમાં ફફડાટ વ્યાપી ગયો છે. 6થી વધુ કેસ લોકલ ટ્રાન્સમિસનના છે, પરંતુ માહિતી પ્રમાણે 7 પોઝિટીવ કેસમાંથી એક વ્યક્તિ દિલ્હીથી આવ્યો હતો. માહિતી પ્રમાણે અમદાવાદમાં દિલ્લીથી આવેલા તબલીગી જમાતની અસર જોવા મળી રહી છે.

તો આ 7 કેસમાંથી 5 કેસમાં તબલીગી કનેક્શન સામે આવ્યું છે. દિલ્હી જમાતમાં ગયેલા વ્યકિતના 5 લોકો સંપર્ક આવ્યા હતા. સંપર્કમાં આવેલા પાંચેય લોકો કોરોના પોઝિટિવ આવ્યા છે. ઉલ્લેખનીય છે કે, અમદાવાદમાં અત્યાર સુધીમાં 38 કેસ નોંધાયા છે. અમદાવાદના કાલુપુર ભંડેરી પોળમાં 4 કેસ નોંધાયા છે. અમદાવાદના કાલુપુર મલેકશાહ દરગાહ વિસ્તારમાં 1 કેસ નોંધાયો છે. જ્યારે અમદાવાદના બાપુનગરમાં 2 પોઝિટિવ કેસ નોંધાયા છે. આ સિવાય ગુજરાતમાં પોઝિટિવ કેસનો આંક 95 પર પહોંચી ગયો છે. ત્યારે તંત્ર સજાગ થઈ ગયું છે અને લોકોને ચુસ્ત લોકડાઉનનું પાલન કરાવવા માટે બનતા તમામ પ્રયાસો કરવામાં આવી રહ્યા છે.

Leave a Reply

Your email address will not be published.