////

અમદાવાદની કિડની હોસ્પિટલમાં તૈયાર કરાયો કોરોના વોર્ડ, 400 બેડ રહેશે કાર્યરત

અમદાવાદમાં વધતાં જતાં કોરોના વાઇરસના કેસને ધ્યાનમાં રાખી રાજ્ય સરકાર દિવસેને દિવસે સતર્ક થઇ રહી છે. ત્યારે તેને ધ્યાનમાં રાખી અમદાવાદની અત્યાધુનિક નવનિર્મિત કિડની હોસ્પિટલમાં 400થી વધુ કોરોના વોર્ડ તૈયાર કરવામાં આવ્યા છે. જેને નાયબ મુખ્ય પ્રધાન નીતિન પટેલ દ્વારા મંગળવારના રોજ કાર્યરત કરવામાં આવ્યાં છે.

રાજ્યમાં એક તરફ કોરોના કેસમાં વધારો થઈ રહ્યો છે અને દિવસે દિવસે મૃત્યુઆંક પણ વધી રહ્યા છે. કોરોનાના વધતાં જતાં કેસને ધ્યાને રાખી સરકાર પણ સતર્ક હોય તેવું જોવા મળી રહ્યું છે. અમદાવાદ મંજુશ્રી મીલ ખાતે આવેલી નવનિર્મિત કિડની હોસ્પિટલમાં હાલના તબક્કે 400થી વધુ કોરોના બેડની શરૂઆત કરવામાં આવી છે. જેને લઇ આજથી કોરોનામાં દાખલ થઈ રહેલા તમામ દર્દીઓને કિડની હોસ્પિટલમાં બનાવવામાં આવેલા 400 બેડમાં પણ રિફર કરવામાં આવશે. જે વ્યવસ્થાને ધ્યાનમાં રાખી ગુજરાતના નાયબ મુખ્ય પ્રધાન નીતિન પટેલ દ્વારા હોસ્પિટલની મુલાકાત લેવામાં આવી હતી.

કિડની હોસ્પિટલમાં બનાવવામાં આવેલા કોરોનાના 400 બેડની તૈયારીની જો વાત કરવામાં આવે તો ટેક્નોલોજીથી સજ્જ કિડની હોસ્પિટલમાં તમામ વ્યવસ્થાઓને આખરી ઓપ આપી દેવામાં આવ્યો છે. ભારત ઇલેક્ટ્રોનિક પ્રાઇવેટ લિમિટેડ દ્વારા મેન્યુ ફેક્ચરિંગ કરવામાં આવેલા વેન્ટિલેટર પણ ગોઠવી દેવામાં આવ્યા છે. શરૂઆતમાં મળતી માહિતી પ્રમાણે હાલના તબક્કે 20 જેટલા વેન્ટિલેટર 400 બેડની હોસ્પિટલમાં મુકવામાં આવ્યા છે.

Leave a Reply

Your email address will not be published.