///

Farmers Protest : આજે સરકાર સાથે વાતચીતના પ્રસ્તાવ પર ખેડૂત લેશે નિર્ણય

દિલ્હીમાં નવા કૃષિ કાયદાના વિરોધમાં આંદોલન કરી રહેલા ખેડૂતોને રીઝાવવા માટે મોદી સરકાર દરેક સંભવ પ્રયત્ન કરી રહી છે. ત્યારે સરકાર દ્વારા ખેડૂતો સાથે વાતચીત માટે વધુ એક પ્રસ્તાવ પણ મોકલવામાં આવ્યો છે. જેના પર આજે નિર્ણયની આશા છે. સિંધુ બોર્ડર પર સંયુક્ત કિસાન મોરચાની આજે બેઠક યોજાશે. આ બેઠકમાં સરકારના પ્રસ્તાવ પર ચર્ચા સાથે જ આગળની રણનીતિ પણ નક્કી કરવામાં આવશે.

આજે કિસાન સંયુક્ત મોરચાની યોજાનારી બેઠકનો સમય નક્કી છે, પરંતુ આ બેઠક આંદોલન માટે મહત્વપૂર્ણ ગણવામાં આવી રહી છે. આ બેઠકમાં ખેડૂત વડાપ્રધાન નરેન્દ્ર મોદી સાથે મુલાકાતના મુદ્દે ચર્ચા કરવાની સાથે જ આગળની રણનીતિ તૈયાર કરશે. આ દરમિયાન ખેડૂતોએ હરિયાણા બોર્ડર પર શાહજહાંપુરમાં જામ કર્યો છે. દિલ્હી કૂચ માટે નિકળેલા ખેડૂતોને હરિયાણા પોલીસે રસ્તામાં જ અટકાવી દીધા હતા, ત્યારબાદ ખેડૂતોએ દિલ્હીથી જયપુર આવનાર લેનને પણ જામ કરી દીધો છે. NH 48 પર જામ થતાં દિલ્હી જયપુરનો સંપર્ક કપાઇ ગયો છે.

ભારતીય કિસાન યૂનિયન એકતાએ જાહેર કર્યું છે કે, 26 અને 27 ડિસેમ્બરના રોજ 30,000 ખેડૂત દિલ્હીની સીમા પર વિરોધ પ્રદર્શનમાં સામેલ થશે. તો બીજી તરફ અમૃતસરથી કિસાન મજબૂર સંઘર્ષ કમિટીએ દિલ્હી તરફ જથ્થો રવાના કરવામાં આવ્યો છે, તે પહેલાં પણ કમિટીના બે જથ્થા રવાના કરી ચૂકી છે.

બીજી તરફ રાજસ્થાનથી નાગૌર હનુમાન બેનીવાલએ જાહેરાત કરી છે કે, જો સરકાર ખેડૂતોની માંગ નહી સ્વીકારે તો રાષ્ટ્રીય જનતાંત્રિક ગઠબંધનનો સાથ છોડશે. સાથે જ તેમણે કહ્યું કે, તે આજે ખેડૂતો સાથે દિલ્હી કૂચમાં સામેલ થશે. તે પહેલાં તેમણે ત્રણેય સંસદીય સમિતિઓ પાસેથી રાજીનામું આપી દીધું હતું.

Leave a Reply

Your email address will not be published.