//

કાંકરેજના પૂર્વ ધારાસભ્ય ધારસિંહ ખાનપુરાનું નિધન, કોરોના સામેની જંગ હાર્યા

બનાસકાંઠામાં કાંકરેજના પૂર્વ ધારાસભ્ય અને કોંગ્રેસના વરિષ્ઠ અગેવાન ધારસિંહ ખાનપુરાનું કોરોનાથી મોત થયું છે. અમદાવાદની યુએન મહેતા ખાનગી હોસ્પિટલમાં તેમનું મૃત્યુ નિપજ્યુ છે. તેઓ કોરોનાગ્રસ્ત હતા અને છેલ્લાં એક મહિનાથી સારવાર હેઠળ હતા.

ધારસિંહ ખાનપુરા 4 વખત કાંકરેજના ધારાસભ્ય રહી ચૂક્યા હતા. સાથે જ તેઓ કાંકરેજના દિગ્ગજ આગેવાન હતા. ત્યારે ધારસિંહ ખાનપુરાના નિધનથી કોંગ્રેસ અને ઠાકોર સમાજમાં મોટી ખોટ પડી છે. પેટાચૂંટણીના દિવસે જ કોરોના સામેની લડાઈમાં કોંગ્રેસના પૂર્વ ધારાસભ્ય જંગ હાર્યા છે. આજે વડાગામ ખાતે અંતિમવિધિ કરાશે.

અત્રે ઉલ્લેખનીય છે કે, ગુજરાતમાં અનેક નેતાઓ કોરોનાની ઝપેટમાં આવ્યા હતા. જેમાંથી કેટલાક કોરોનાગ્રસ્ત નેતાઓનુ મૃત્યુ પણ થયું હતું. તો અનેક નેતાઓએ કોરોનાને હરાવ્યો પણ હતો. ધારસિંહ ખાનપુરા કાંકરેજ તાલુકાના વડા ગામના વતની હતા. કોંગ્રેસના ખાનપુરા ગરીબોના બેલી તરીકે તેમની કાંકરેજમાં ઓળખ હતી. ધારસિંહને ખાનપુરાને કારણે કાંકરેજમાં કોંગ્રેસનો પાયો મજબૂત રહ્યો હતો.

Leave a Reply

Your email address will not be published.