///

સોનાના ભાવમાં આજે વધારો, જાણો શું છે આજની કિંમત

સોનાના ઘરેલૂ હાજર ભાવમાં આજે બુધવારે વધારો થયો છે. એચડીએફસી સિક્યોરિટીના અનુસાર, રાષ્ટ્રીય રાજધાની દિલ્હીમાં બુધવારે સોનાના હાજર ભાવમાં 60 રૂપિયા પ્રતિ 10 ગ્રામનો વધારો થયો છે. આ તેજી બાદ સોનાનો ભાવ વધીને 44,519 રૂપિયા પ્રતિ 10 ગ્રામ થઈ ગયો છે. સિક્યોરિટીઝ અનુસાર, સોનાની વૈશ્વિક કિંમતોમાં મજબૂતી અને રૂપિયામાં ઘટાડાને કારણે ઘરેલૂ સ્તર પર સોનાની કિંમતમાં તેજી આવી છે. ઉલ્લેખનીય છે કે છેલ્લા સત્રમાં સોનું 44,459 રૂપિયા પ્રતિ 10 ગ્રામના ભાવ પર બંધ થયું હતું.

સોનાથી અલગ ચાંદીની ઘરેલૂ કિંમતમાં બુધવારે ઘટાડો થયો છે. ચાંદીના ઘરેલૂ હાજર ભાવમાં 200 રૂપિયા પ્રતિ કિલોગ્રામનો ઘટાડો થયો છે. આ ઘટાડા બાદ ચાંદીનો ભાવ 66,536 રૂપિયા પ્રતિ કિલોગ્રામ રહી ગયો છે. ઉલ્લેખનીય છે કે પાછલા સત્રમાં ચાંદી 66,736 રૂપિયા પ્રતિ કિલોગ્રામના ભાવ પર બંધ થઈ હતી.

વૈશ્વિક સ્તરની વાત કરીએ તો બુધવારે સોનાના વધારા સાથે અને ચાંદી સ્થિર ટ્રેડ કરતી જોવા મળી હતી. આંતરરાષ્ટ્રીય બજારમાં સોનાના વૈશ્વિક ભાવ વધારા સાથે 1735 ડોલર પ્રતિ ઔંસ પર ટ્રેડ કરતા જોવા મળ્યો. તો ચાંદીનો વૈશ્વિક ભાવ 26 ડોલર પ્રતિ ઔંસ પર ટ્રેડ કરતો જોવા મળ્યો.

ઘરેલૂ વાયદા બજારમાં બુધવારે સોનાના ભાવમાં તેજી જોવા મળી. એમસીએક્સ એક્સચેન્જ પર બુધવારે સાંજે સોનાનો વાયદા ભાવ 147 રૂપિયાના વધારા સાથે 44,960 રૂપિયા પ્રતિ 10 ગ્રામ પર ટ્રેડ કરતો જોવા મળ્યો હતો. તો 4 જૂન, 2021ના વાયદાના સોનાનો ભાવ આ સમયે 120 રૂપિયાની તેજી સાથે 45,311 રૂપિયા પ્રતિ 10 ગ્રામ પર ટ્રેડ કરતો જોવા મળ્યો હતો.

ઘરેલૂ વાયદા બજારમાં ચાંદીની વાયદા કિંમતમાં વધારો થયો છે. એમસીએક્સ પર બુધવારે સાંજે પાંચ મે, 2021 વાયદાની ચાંદીની કિંમત 302 રૂપિયાની તેજીની સાથે 67,221 રૂપિયા પ્રતિ કિલોગ્રામ પર ટ્રેડ કરતી જોવા મળી હતી.

Leave a Reply

Your email address will not be published.