////

રાજ્યનું વધુ એક ગામ 7 દિવસ માટે સ્વયંભૂ બંધ પાળશે

રાજ્યમાં વધતા જતા કોરોનાના સંક્રમણ વચ્ચે તેને અટકાવવા માટે કેટલાક ગામડાઓ સ્વંયભુ બંધ પાળી રહ્યા છે. જેમાં વધુ એક ઉમેરો થયો છે. જી હા હિંમતનગરનું કાણીયોલ ગામ ગઇકાલે શનિવારથી સાત દિવસ માટે સ્વયંભુ સજ્જડ બંધ રહેશે. માત્ર સવાર સાંજ બે કલાક આવશ્યક ચીજ વસ્તુની દુકાનો શરૂ રહશે.

ઉલ્લેખનિય છે કે સાબરકાંઠા જીલ્લા સહીત સમગ્ર રાજ્યમાં કોરોના સંક્રમણ દિવસેને દિવસે વધી રહ્યું છે ત્યારે એને અટકાવવા માટે લોકો સ્વયભું લોકડાઉન કરી રહ્યા છે. અત્યાર સુધીમાં સાબરકાંઠા જીલ્લામાં 5000 જેટલા કોરોના પોઝિટિવ કેસ નોધાઇ ચુક્યા છે, ત્યારે વધતા સંક્રમણને અટકાવવા માટે ગામડાઓ સ્વંયભુ બંધ પાળવા તરફ આગળ આવ્યા છે.

જિલ્લાના મુખ્ય મથક હિંમતનગરના કાણીયોલ ગામમાં વધતા કોરોના સંક્રમણને અટકાવવા માટે ગામને સાત દિવસ સ્વયંભુ બંધ રાખવાનો ગ્રામજનોએ નિર્ણય કર્યો છે. ગામના આગેવાનોએ બેઠક કરી ગ્રામજનોની સુખાકારી માટે સાત દિવસ સંપૂર્ણ લોકડાઉન રાખવાનો નિર્ણય કરાયો છે જેને લઈને ગામના રસ્તાઓ સુમસામ જોવા મળી રહ્યા છે. બપોરના સમયે આ લોકડાઉનનો ચુસ્ત અમલ જોવા મળી રહ્યો છે.

હિંમતનગર તાલુકાના કાણીયોલ ગામમાં આશરે 2000થી પણ વધુ લોકો વસવાટ કરી રહ્યા છે. ગામમાં વસતા ગ્રામજનો મુખ્યત્વે ખેતી અને પશુપાલન સાથે સંકળાયેલા છે, ત્યારે ગામમાં સ્થાનિકોને કોરોના કેસ પોઝિટિવ આવ્યા છે. ગામમાં ફળીયે ફળીયે કોરોનાના કેસ નોધાયા છે જેને લઈને ફળિયામાં જવાના રસ્તે સ્થાનિકોએ જ લાલ કપડાની પટ્ટી લગાવી દીધી છે જેને લઈને કોરોના સંક્રમણ વધે નહીં તે માટે ગ્રામજનોએ સાત દિવસ ગામ સ્વંયભુ સજ્જડ બંધ પાળ્યું છે. ગામમાં આવેલી તમામ દુકાનો પણ બંધ રહશે અને આવશ્યક ચીજ વસ્તુની દુકાન સવાર સાંજ બે-બે કલાક શરૂ રહેશે. ત્યારબાદ તમામ દુકાનો પણ બંધ રાખવાનો નિર્ણય ગ્રામજનોએ કર્યો છે. તો આ થયેલા સ્વંયભુ બંધનું ચુસ્ત પણે અમલ જોવા મળી રહ્યો છે.

એક તરફ રાજ્યમાં દિન પ્રતિદિન કોરોના કેસમાં ધરખમ વધારો નોંધાઇ રહ્યો છે તો બીજી તરફ વધતા સંક્રમણને અટકાવવા માટે ગામડાઓ સ્વંયભુ બંધ પાળી રહ્યા છે. સરકાર દ્વારા મહાનગરોમાં રાત્રી કરફ્યૂ અમલ કરી સંક્રમણ અટકાવવા પ્રયત્ન કરી રહ્યુ છે તો બીજી તરફ કાણીયોલમાં ગ્રામજનો સ્વંયભુ પણ બંધ પાળી કોરોના સંક્રમણ ઘટાડવાના પ્રયત્નો કરી રહ્યા છે.

Leave a Reply

Your email address will not be published.