Wednesday, Aug 17, 2022 Today’s Paper

Indian Oil and Dava India: હવે પેટ્રોલ પંપ પર પણ મળશે દવાઓ, ઈન્ડિયન ઓઇલ અને દવા ઈન્ડિયા વચ્ચે થયો કરાર

09 Mar, 22 95 Views

દિલ્હીમાં ઈન્ડિયન ઓઈલના રિટેલ આઉટલેટ્સમાં 12 વધુ દવા ઈન્ડિયા સ્ટોર્સ ખોલવાની પ્રક્રિયા અંતિમ તબક્કામાં

Indian Oil and Dava India: ઘણી વખત ઈમરજન્સી હોય અને મેડિકલ પણ બંધ હોય એવા સમયે દવા (Medicine)  લેવા જવું તો ક્યાં જવું એવી સ્થિતિ સર્જાતી હોય છે. પરંતુ તાજેતરમાં સામે આવી રહેલા અહેવાલો મુજબ, હવે તમને જરૂરી દવા પેટ્રોલ પંપ (Petrol pump) પર મળી રહેશે. સાંભળવામાં થોડું વિચિત્ર લાગશે પરંતુ આ માટે એક કરાર કરવામાં આવ્યો છે. ઇન્ડિયન ઓઇલે (Indian Oil) મેસર્સ દવા ઇન્ડિયા (Dava India) જેનેરિક ફાર્મસી લિમિટેડ સાથે દિલ્હી (Delhi) અને હરિયાણા (Haryana) રાજ્યમાં ઇન્ડિયન ઓઇલ રિટેલ આઉટલેટ્સ પર દવા ઇન્ડિયાના "કંપની આઉટલેટ્સ" ખોલવા માટે જોડાણ કર્યું છે.

ઈન્ડિયન ઓઈલ આ નવી પહેલ રજૂ કરી રહી છે, ત્યારે તમને જણાવી દઈએ કે,  ઈન્ડિયન ઓઈલ, ધ એનર્જી ઑફ ઈન્ડિયા તેના ગ્રાહકોને ઈંધણ અને બિન-ઈંધણ શ્રેણીઓમાં વધુ સારી અને કાર્યક્ષમ ગ્રાહક સેવાઓ પ્રદાન કરવા માટે કામ કરી રહી છે. જેના અનુસંધાને જ આ ખાસ કરાર કરવામાં આવ્યો છે. ઈન્ડિયન ઓઈલના રિટેલ આઉટલેટ મેસર્સ વેલકમ મોટર્સ, સાકેત, નવી દિલ્હી ખાતે દવા ઈન્ડિયાના પ્રથમ આઉટલેટનું ઉદ્ઘાટન પણ કરવામાં આવ્યું છે. આ ઉદ્ઘાટન ક્રિકેટના દિગ્ગ્જ ખેલાડી  અને દવા ઈન્ડિયાના બ્રાન્ડ એમ્બેસેડર કપિલ દેવે દિલ્હી ખાતે શ્યામ બોહરા, એક્ઝિક્યુટિવ ડિરેક્ટર અને એક્ઝિક્યુટિવ ડિરેક્ટર સાથે મળીને કર્યું છે. પેટ્રોલ પંપ પર દાવવા ઈન્ડિયાના ઉદ્ઘાટન સમયે રાજ્યના વડા, દિલ્હી રાજ્ય કાર્યાલય, ઇન્ડિયન ઓઇલ કોર્પોરેશન લિમિટેડ સીઈઓ કેતન જોટા, મેસર્સ જોટા હેલ્થ કેરના સંજય કુમાર સિન્હા, ચીફ જનરલ મેનેજર (રિટેલ સેલ્સ), દિલ્હી સ્ટેટ ઓફિસ અને બંને કંપનીઓના અન્ય વરિષ્ઠ અધિકારીઓ હાજર હતા.

દવા ઈન્ડિયાના ઉદ્ઘાટન પ્રસંગે શ્યામ બોહરાએ જણાવ્યું હતું કે, 'દવા ઈન્ડિયા સાથેના આ જોડાણ દ્વારા, ઈન્ડિયન ઓઈલના ગ્રાહકો માટે મૂલ્યવર્ધિત ગ્રાહક સેવાઓ માટેની દરખાસ્તની પુષ્ટિ થઈ છે. આ નવી પહેલ ગ્રાહકોને જેનરિક અને સસ્તી દવાઓ પહોંચાડવામાં મદદ કરશે.આ સાથે જ દિલ્હીમાં ઈન્ડિયન ઓઈલના રિટેલ આઉટલેટ્સમાં 12 વધુ દવા ઈન્ડિયા સ્ટોર્સ ખોલવાની પ્રક્રિયા અંતિમ તબક્કામાં છે.'
 

નોંધનીય છે કે, દવા ઈન્ડિયા આઉટલેટ ખોલવા સાથે, દિલ્હી અને હરિયાણામાં ઈન્ડિયન ઓઈલના પેટ્રોલ પંપ પર આવા ઘણા વધુ સ્ટોર ખોલવામાં આવી રહ્યા છે. ઈન્ડિયનઓઈલ તેના પ્રયાસો દ્વારા તેના રિટેલ આઉટલેટ્સ પર બિન-ઈંધણ ઓફરિંગમાં પ્રવેશ કરીને ગ્રાહકોને મૂલ્યવર્ધિત સેવાઓ પૂરી પાડે છે. ઈન્ડિયનઓઈલ રિટેલ આઉટલેટ ખાતે દાવા ઈન્ડિયાના પ્રથમ કોર્પોરેટ આઉટલેટનું લોન્ચિંગ પણ ગ્રાહકોના લાભ માટે દાવા ઈન્ડિયા સાથે ઈન્ડિયન ઓઈલના લાંબા સમયથી ચાલતા સંબંધોની શરૂઆતનો માર્ગ મોકળો કરે છે. 
 

ઉલ્લેખનીય છે કે, આ પહેલ આત્મનિર્ભર ભારતને અનુરૂપ છે, જે રોજગાર નિર્માણમાં પણ મદદ કરશે. દવા ઈન્ડિયા દેશના ખૂણે ખૂણે ઈન્ડિયન ઓઈલના રિટેલ આઉટલેટના વિશાળ નેટવર્ક અને અન્ય ટચ પોઈન્ટનો લાભ લઈ શકે છે. નવી પહેલ "જેનરિક દવાઓ" ને પ્રોત્સાહન આપશે અને વસ્તીના વિશાળ વર્ગો દ્વારા તેનો લાભ લેવામાં આવશે, જે દવાઓને સસ્તી પહોંચાડવાની સાથે બધા માટે સુલભ બનાવશે. 

advertisment image