Adani Group MCap: અદાણી ગ્રુપના શેરમાં આવ્યો ઉછાળો, 4 કંપનીઓનો MCap 1-1 લાખને પાર!

અદાણી ગ્રૂપની ચાર કંપનીઓનું માર્કેટ કેપિટલાઇઝેશન રૂ. 1 લાખ કરોડને પાર કરી ગયું

Adani Group MCap: અદાણી ગ્રુપ (Adani Group)ની ઘણી કંપનીઓ છેલ્લા થોડા સમયથી મુશ્કેલીનો સામનો કરી રહી છે. એવા સમયે રાહતના સમાચાર આવ્યા છે. અદાણી ગ્રુપના શેર હવે રિકવરીના સંકેતો દેખાઈ રહ્યા છે. ગ્રૂપના શેરોએ હિંડનબર્ગ રિપોર્ટ (Hindenburg Report)ના કારણે થયેલી અસરને પાછળ છોડવાનું શરુ કરી દીધુ છે અને નવી ઊંચાઈને સ્પર્શવા માટે આગળ વધી રહ્યા છે. વર્ષ 2023ની ખૂબ જ ખરાબ શરૂઆત બાદ હવે છેલ્લા બે દિવસ દરમિયાન અદાણી શેર્સ (Adani Shares)ની રેલીમાં જબરદસ્ત વૃદ્ધિ જોવા મળી છે.

નવી તેજીની અસર એ છે કે હવે ફરીથી અદાણી ગ્રૂપની ચાર કંપનીઓનું માર્કેટ કેપિટલાઇઝેશન (અદાણી ગ્રુપ MCap) રૂ. 1 લાખ કરોડને પાર કરી ગયું છે. છેલ્લા બે દિવસ દરમિયાન અદાણી ગ્રૂપના શેરમાં જોરદાર ખરીદી જોવા મળી છે. તેની અસર ગ્રુપ કંપનીઓના માર્કેટ કેપિટલાઇઝેશન એટલે કે MCAP પર પણ સકારાત્મક રીતે જોવા મળી રહી છે, જેમાં હિંડનબર્ગના રિપોર્ટને કારણે મોટો ઘટાડો થયો હતો. 

માર્કેટ કેપિટલાઇઝેશનના સંદર્ભમાં, જૂથની મુખ્ય કંપની અદાણી એન્ટરપ્રાઇઝિસનો પ્રથમ નંબર આવે છે. છેલ્લા 3 દિવસમાં તેની કિંમતમાં 45 ટકાથી વધુનો વધારો થયો છે. આ આધારે કંપનીની માર્કેટ મૂડી હવે વધીને 3.1 લાખ કરોડ રૂપિયા થઈ ગઈ છે. આ સપ્તાહમાં જ કંપનીની માર્કેટ મૂડીમાં લગભગ રૂ. 1 લાખ કરોડનો વધારો થયો છે.

અદાણી જૂથની આ પ્રથમ કંપની છે, જેણે હિંડનબર્ગ રિપોર્ટની સંપૂર્ણ અસરને બાયપાસ કરીને રિકવરી કરી છે.સાદા શબ્દોમાં કહીએ તો, 24 જાન્યુઆરીએ હિંડનબર્ગના અહેવાલને કારણે થયેલા નુકસાન કરતાં આ શેરે વધુ વળતર આપ્યું છે. અદાણી પોર્ટ્સ એન્ડ સ્પેશિયલ ઇકોનોમિક ઝોન (APSEZ) એ એમકેપની દ્રષ્ટિએ અદાણી એન્ટરપ્રાઇઝિસ પછી જૂથની બીજી સૌથી મોટી કંપની છે. હવે તેનું એમકેપ 1.7 લાખ કરોડ રૂપિયા થઈ ગયું છે. આ કંપનીએ વધુ એક રેકોર્ડ બનાવ્યો છે. છેલ્લા બે દિવસમાં તેના શેરના ભાવમાં 15 ટકાથી વધુનો વધારો થયો છે.

અદાણી પાવર આ યાદીમાં ચોથી કંપની છે. મંગળવારે તેનો એમકેપ રૂ. 1 લાખ કરોડને પાર કરી ગયો હતો. 28 ફેબ્રુઆરીએ તેનું એમકેપ રૂ. 51,000 કરોડ હતું, જે હવે લગભગ બમણું થઈ ગયું છે. અદાણી ગ્રીન છેલ્લા બે દિવસથી સતત અપર સર્કિટ મારી રહી છે અને તેના શેરના ભાવમાં 10 ટકાનો વધારો થયો છે. હવે તેનું એમકેપ વધીને રૂ. 1.56 લાખ કરોડ થઈ ગયું છે, જે માત્ર બે મહિના પહેલા રૂ. 70 હજાર કરોડથી ઓછું હતું.