Thursday, Aug 11, 2022 Today’s Paper

Nancy Pelosi: અમેરિકન હાઉસ સ્પીકર નેન્સી પેલોસી પર ચીને લગાવ્યો પ્રતિબંધ, પેલોસીની તાઇવાનની મુલાકાત પછી ડ્રેગને ભર્યું પગલું

05 Aug, 22 36 Views

ચીનના વિદેશ મંત્રાલયે કહ્યું કે, નેન્સી પેલોસી ચીનની આંતરિક બાબતોમાં ગંભીરતાથી હસ્તક્ષેપ કરે છે

Nancy Pelosi : અમેરિકન હાઉસ સ્પીકર નેન્સી પેલોસી (American House Speaker Nancy Pelosi)એ ચીન (China)ના ઘણી ધમકીઓ અને વિરોધ વચ્ચે તાજેતરમાં તાઈવાનની મુલાકાત લીધી હતી. નેન્સી પેલોસી (Nancy Pelosi)ની તાઈવાન (Taiwan) મુલાકાતને લઈને ગુસ્સે થયેલા ચીને એક તરફ તાઈવાન સીમા પર સૈનિકો અને શસ્ત્રો ખડકી દીધા છે અને હવે બીજી તરફ નેન્સી પેલોસી સામે કડક પગલું ભર્યું છે. ચીનના વિદેશ મંત્રાલયે 5 ઓગસ્ટ, શુક્રવારે નેન્સી પેલોસી અને તેમના પરિવારના સભ્યો પર પ્રતિબંધની જાહેરાત કરી હતી. ચીને તેના પર ગંભીર ચિંતા અને દૃઢ વિરોધનો અવગણનાનો આરોપ મૂક્યો છે.

ચીનના વિદેશ મંત્રાલયે કહ્યું કે, નેન્સી પેલોસી ચીનની આંતરિક બાબતોમાં ગંભીરતાથી હસ્તક્ષેપ કરે છે, ચીનની સાર્વભૌમત્વ અને પ્રાદેશિક અખંડિતતાને નબળી પાડે છે, વન-ચાઈના સિદ્ધાંતને કચડી નાખે છે અને તાઈવાનમાં શાંતિ અને સ્થિરતાને જોખમમાં મૂકે છે. એક તરફ ચીને પેલોસી પર પ્રતિબંધ લગાવ્યો છે તો બીજી તરફ નેન્સી પેલોસી આજે  જાપાનના વડાપ્રધાન ફ્યુમિયો કિશિદાને મળ્યા છે.

જાપાનના વડાપ્રધાન ફ્યુમિયો કિશિદાએ પેલોસી સાથે મુલાકાત કરતા કહ્યું કે, 'તાઈવાનને લક્ષ્યમાં રાખીને ચીનની સૈન્ય કવાયત એક ગંભીર સમસ્યાનું પ્રતિનિધિત્વ કરે છે જે પ્રાદેશિક શાંતિ અને સુરક્ષાને જોખમમાં મૂકે છે.' ચીન દ્વારા છોડવામાં આવેલી પાંચ બેલેસ્ટિક મિસાઈલ જાપાનના એક્સક્લુઝિવ ઈકોનોમિક ઝોનમાં પડી છે એવા સમયે જાપાનનું આ નિવેદન આવ્યું છે.

ઉલ્લેખનીય છે કે, ચીનની ધમકીઓને ધ્યાનમાં લીધા વિના નેન્સી પેલોસીએ ગયા શનિવારે તાઇવાનની એક દિવસીય મુલાકાત લીધી હતી. આ પ્રવાસથી ચીન ભારે ગુસ્સે છે અને ધમકીઓ આપી રહ્યું છે. ચીન હંમેશા તાઈવાન તેનો ભાગ હોવાનો દાવો કરતુ આવ્યું છે. આ સાથે જ પેલોસીની તાઈવાનની મુલાકાતથી ગુસ્સે થઈને ચીને યુરોપિયન યુનિયનમાં સામેલ સાત દેશોના રાજદૂતોના સામાન્ય નિવેદન સામે વિરોધ નોંધાવ્યો છે. આ દેશો વતી સંયુક્ત નિવેદનમાં કહેવામાં આવ્યું છે કે, 'તાઈવાનની સરહદ પર ચીનની સૈન્ય કવાયત ખોટી છે અને તેને તાત્કાલિક રોકવી જોઈએ. બીજી તરફ ચીનનું કહેવું છે કે આ નિવેદન અમારી આંતરિક બાબતોમાં દખલ કરી રહ્યું છે.' 

advertisment image