રાજસ્થાનના જયપુરમાં કોરોના વાયરસના નવા પ્રકાર ઓમિક્રોનના નવ કેસ નોંધાયા
મહારાષ્ટ્રમાં કોરોનાના નવા પ્રકાર ઓમિક્રોનના સાત નવા કેસ નોંધાયા છે. 24 નવેમ્બર 2021 ના રોજ, નાઈજીરીયાના લાગોસની એક 44 વર્ષીય મહિલા પિંપરી-ચિંચવડ મ્યુનિસિપલ વિસ્તારમાં તેના ભાઈને મળવા આવી હતી.
તે ઉપરાંત રાજસ્થાનના જયપુરમાં કોરોના વાયરસના નવા પ્રકાર ઓમિક્રોનના નવ કેસ નોંધાયા છે. દક્ષિણ આફ્રિકાથી પરત ફરેલા ચાર લોકોમાં ઓમિક્રોન વેરિઅન્ટ જોવા મળ્યું છે, આ ચારેયને આરયુએચએસમાં દાખલ કરવામાં આવ્યા છે. આ ઉપરાંત આ લોકોના સંપર્કમાં આવેલા વધુ પાંચ લોકોમાં પણ ઓમિક્રોન વેરિઅન્ટની પુષ્ટિ થઈ છે. આ નવા કેસ સાથે, હવે દેશમાં આ પ્રકારથી સંક્રમિત લોકોની કુલ સંખ્યા 21 પર પહોંચી ગઈ છે.
મહિલા તેની બે પુત્રીઓ ભાઈઓ સહિત કુલ 6 લોકોના નમૂના જીનોમ સિક્વન્સિંગ માટે પુણેની નેશનલ ઈન્સ્ટિટ્યૂટ ઓફ વાયરોલોજીમાં મોકલવામાં આવ્યા હતા. આજે સાંજે બહાર આવેલા તમામ રિપોર્ટ્સમાં Omicron વેરિઅન્ટની પુષ્ટિ કરવામાં આવી છે.
આ સિવાય પૂણેના 47 વર્ષીય વ્યક્તિમાં ઓમિક્રોન વેરિઅન્ટની પુષ્ટિ થઈ છે. જે બાદ હવે રાજ્યમાં ઓમિક્રોન પોઝિટિવ દર્દીઓની કુલ સંખ્યા વધીને 8 થઈ ગઈ છે. તમને જણાવી દઈએ કે નાઈજિરિયન મહિલામાં કોરોનાના હળવા લક્ષણો છે અને અન્ય પાંચમાં કોઈ લક્ષણો નથી. છમાંથી ત્રણ લોકોને રસી આપવામાં આવી નથી કારણ કે તેઓની ઉંમર 18 વર્ષથી ઓછી છે.
આ તમામ દર્દીઓની પિંપરી-ચિંચવડની જીજામાતા હોસ્પિટલમાં સારવાર ચાલી રહી છે અને તમામની સ્થિતિ સ્થિર છે.
