Sunday, Jul 03, 2022 Today’s Paper

Afghanistan attack: અફઘાનિસ્તાનના કાબુલમાં આતંકી હુમલો, ગુરુદ્વારાને બનાવ્યું નિશાન

18 Jun, 22 16 Views

શીખ ગુરૂદ્વારની આસપાસના વિસ્તારોમાં ગોળીબાર તો બીજીતરફ બ્લાસ્ટનો પણ અવાજ સંભળવા મળ્યો હતો. વિસ્ફોટના કારણે આકાશમાં ધુમાડાના ગોટેગોટા જોવા મળ્યા હતા.

કાબુલઃ  અફઘાનિસ્તાનની (Afghanistan) રાજધાની કાબુલમાં (kabul) ગુરૂદ્વારા કર્તે પરવાન પર  (Gurudwara karte parwan) ઘાતક હુમલો થયો છે. સમાચારોમાં કહેવામાં આવી રહ્યું હતું કે, આ હુમલામાં ઘણા લોકો માર્યા ગયા છે. શીખ ગુરૂદ્વારની આસપાસના વિસ્તારોમાં ગોળીબાર (firing) તો બીજીતરફ બ્લાસ્ટનો  (blast) પણ અવાજ સંભળવા મળ્યો હતો. વિસ્ફોટના કારણે આકાશમાં ધુમાડાના ગોટેગોટા જોવા મળ્યા હતા. હજુ સુધી તાલિબાન તરફથી કોઈ નિવેદન જાહેર કરવામાં આવ્યું નતી. કહેવામાં આવી રહ્યું છે કે, બે હુમલાખોર હજુ પણ ગુરૂદ્વારાની અંદર હાજર છે. ગુરૂદ્વારની અંદર પણ બે વિસ્ફોટ થયા છે.

અફઘાન પત્રકાર બિલાલ સરવરીએ તાલિબાનના અહેવાલથી જણાવ્યું કે ગુરૂદ્વારાના ગેટ બહાર સૌથી પહેલા વિસ્ફોટ થયો. જેમાં ઓછામાં ઓછા બે અફઘાન લોકો માર્યા ગયા છે. ત્યારબાદ ગુરૂદ્વારાની અંદર બે વિસ્ફોટ થયા. આ હુમલામાં ગુરૂદ્વારા નજીક આવેલી કેટલીક દુકાનમાં પણ આગ લાગી હતી. બે હુમલાખોર હજુ પણ ગુરૂદ્વારાની અદંર હાજર છે અને તાલિબાની સુરક્ષાકર્મી તેમને જીવતા પકડવાનો પ્રયત્ન કરી રહ્યા છે.

અફઘાન મીડિયાના રિપોર્ટ અનુસાર આ હુમલા દરમિયાન લાંબા સમય સુધી ગોળીબાર થયો અને વિસ્ફોટ પણ થયા. તાલિબાની સુરક્ષા દળે હુમલા પણ કોઈ ટિપ્પણી કરી નથી. આ ગુરૂદ્વારાની આસપાસ મોટી સંખ્યામાં શીખ લોકો રહે છે. અગાઉ પણ આ ગુરૂદ્વારા પર ઘણી વખત ઘાતક હુમલા થઈ ચુક્યા છે. તાલિબાને અગાઉ દાવો કર્યો હતો કે તેણે ગુરૂદ્વારા કર્તે પરવાન પર હુમલો કરનારની ધરપકડ કરી લીધી છે.

તાલિબાને કહ્યું હતું કે, આ હુમલાખોરોને ન્યાયની અદાલતોમાં રજૂ કરવામાં આવશે. ગત વર્ષે ઓક્ટોબરના પહેલા અઠવાડિયામાં કાબુલના આ ગુરૂદ્વારામાં કેટલાક હથિયારધારી છોકરાઓ જરબદસ્તી ઘુસી ગયા હતા. તેમણે સુરક્ષામાં તૈનાત ગાર્ડ્સને કસ્ટડીમાં લીધા અને સીસીટીવી કેમેરા પણ તોડી નાખ્યા હતા. રિપોર્ટ્સ અનુસાર 15-16 હથિયારધારી અજ્ઞાત લોકો ગુરૂદ્વારાની અંદર બપોરના સમયે પહોંચ્યા હતા. આ લોકોએ ત્રણ ગાર્ડ્સના હાથ-પગ બાંધી દીધા. તેમને સીસીટીવી પણ તોડી દીધા હતા.

સિરસાએ દાવો કર્યો છે કે શીખ સંગત (લગભગ 10-15 સંખ્યા) કાબુલના ગુરુદ્વારા કરતે પરવાનમાં ફસાયા હતા. જેના પર આજે સવારે આતંકવાદીએ હુમલો કર્યો હતો. આ હુમલામાં એક વ્યક્તિના મોતના સમાચાર છે. ઉલ્લેખનીય છે કે અફઘાનિસ્તાનમાં તાલિબાન સત્તામાં પાછા આવ્યા પછી હિંસા અને આતંકવાદી હુમલા ઘણા વધી ગયા છે. અફઘાનિસ્તાનમાં અલ્પસંખ્યક સમુદાયના ધાર્મિક સ્થળોને નિશાન બનાવવાની ઘણી ઘટના સામે આવી છે.

advertisment image