////

Pfizer એ ભારતમાં ઈમરજન્સી ઉપયોગ માટે માગી મંજૂરી

રશિયાની રાજધાની મોસ્કોમાં કોવિડ-19ના રસીકરણના કાર્યક્રમની શરૂઆત સાથે જ ભારતના પણ હવે આગામી દિવસોમાં વેક્સિનની આતુરતાનો અંત આવી શકે છે. દવા નિર્માતા કંપની ફાઈઝરની ભારતીય શાખા એ તેમના દ્વારા બનાવાયેલી કોવિડ-19 વેક્સિનના ઈમરજન્સી ઉપયોગને લઈને ઔપચારિક મંજૂરી માટે Drugs Controller General of India (DCGI)ને અરજી કરી છે. ફાઈઝરે તેની કોવિડ-19 વેક્સિનને બ્રિટન અને બહેરીનમાં આ પ્રકારની મંજૂરી મળ્યા બાદ અરજી કરી છે.

મળતી માહિતી મુજબ દવા નિયામકને અપાયેલી અરજીમાં કંપનીએ દેશમાં રસીની આયાત અને વિતરણ સંબંધિત મંજૂરી આપવાની ભલામણ કરી છે. આ ઉપરાંત દવા અને ક્લિનિકલ પરીક્ષણ નિયમ 2019ની વિશેષ જોગવાઈઓ હેઠળ ભારતની વસ્તી પર ક્લિનિકલ પરીક્ષણની છૂટ આપવાની પણ ભલામણ કરી છે.

જેમાં માહિતી મુજબ ફાઈઝર ઈન્ડિયાએ ભારતમાં તેની કોવિડ-19 વેક્સિનના ઈમરજન્સી ઉપયોગની મંજૂરી માટે 4 ડિસેમ્બરે DCGI સમક્ષ અરજી કરી છે. બ્રિટને બુધવારે ફાઈઝરની કોવિડ-19 રસીને ઈમરજન્સી ઉપયોગ માટે અસ્થાયી મંજૂરી આપી હતી. બ્રિટન બાદ બહેરીન શુક્રવારે દુનિયાનો બીજો એવો દેશ બની ગયો તેણે દવા નિર્માતા કંપની ફાઈઝર અને તેની જર્મન સહયોગી બાયોએનટેક દ્વારા વિક્સિત કોવિડ-19 વેક્સિનના ઈમરજન્સી ઉપયોગ માટે ઔપચારિક મંજૂરી આપી છે. દવા કંપની પહેલેથી અમેરિકામાં આવી જ મંજૂરી માટે અરજી કરી ચૂકી છે.

રશિયાની રાજધાની મોસ્કોમાં શનિવારે કોવિડ-19ના રસીકરણ કાર્યક્રમની શરૂઆત થઈ ગઈ છે. મળતી માહિતી મુજબ આ વેક્સિન સૌથી પહેલા એવા લોકોને અપાઈ રહી છે જેમના સંક્રમિત થવાનું જોખમ સૌથી વધુ છે. રશિયા પોતાના જ દેશમાં બનાવવામાં આવેલી સ્પૂતનિક-વી નામની વેક્સિનનો ઉપયોગ કરી રહ્યું છે. રશિયામાં શનિવારે શરૂ થયેલા કોરોના વાયરસ સંક્રમણ રસીકરણ માટે ઉચ્ચ જોખમવાળા સમૂહોમાં સામેલ હજારોની સંખ્યામાં ડોક્ટરો, શિક્ષકો અને અન્ય લોકોએ હસ્તાક્ષર કર્યા છે. રાષ્ટ્રપતિ વ્લાદિમિર પુતિને ત્રણ દિવસ પહેલા મોટા પાયે કોવિડ-19 રસીકરણ અભિયાન શરૂ કરવાનો આદેશ આપ્યો હતો. ત્યારબાદ રસીકરણની શરૂઆત થઈ છે.

Leave a Reply

Your email address will not be published.