///

કૃષિ બિલ સંદર્ભે કેન્દ્રિય કૃષિ પ્રધાને પત્રકાર પરિષદ યોજી, કહ્યું…

કૃષિ બિલ સંદર્ભમાં કેન્દ્રીય કૃષિ પ્રધાન પરશોત્તમ રૂપાલાએ ગાંધીનગર ખાતે પત્રકાર પરિષદ યોજી હતી. જેમાં પરશોત્તમ રૂપાલાએ જણાવ્યું હતું કે, ભારતની કૃષિ નીતિમાં વડાપ્રધાન મોદી બન્યા ત્યારબાદ પ્રથમ વખત ખેડૂતોની આવક શબ્દનો પ્રયોગ થયો છે. ખેત પેદાશોમાં આવકમાં વૃદ્ધિ કેવી રીતે થાય તમામ વસ્તુઓ તમામ સરકારોમાં ચાલતી હતી તેને આગળ વધારીને વડાપ્રધાન મોદીએ કૃષિ નીતિમાં મૂળભૂત ફેરફાર કર્યો છે. ઉત્પાદકતાની સાથે આવકને જોડવાનો પ્રયાસ પહેલી વખત કરવામાં આવ્યો છે.

2022 સુધીમાં ખેડૂતોની આવક બમણી કરવાનો લક્ષ્ય વડાપ્રધાને રાખ્યો છે. ગુજરાતના મુખ્યપ્રધાન હતાં ત્યારે નરેન્દ્રભાઈએ ખેડૂતો માટે સોઇલ હેલ્થ કાર્ડ શરૂ કર્યા હતાં. ત્યારબાદ વડાપ્રધાન બનતા સમગ્ર દેશમાં લાગુ કર્યા હતાં. પોતાની ઉત્પાદકતાનું યોગ્ય વળતર મળે તે ખેડૂતોની માગ હતી અને આજે પણ છે. ખેડૂતોના ભાવના એમએસપી જે નક્કી થાય છે તેના ઉપર 50 ટકાનો નફો ચડાવીને એસપીને વાત કરવા તે નક્કી કરવામાં આવ્યો છે. સ્વામિનાથનની આ ભલામણ હતી.

કોંગ્રેસ આંદોલન કરી રહ્યું છે. ત્યારે એમએસપી નક્કી કરવાની વાત કરી રહી છે. ખેડૂતોને ઉત્પાદન ખર્ચમાં 50 ટકાનો નફો ચડાવીને એમએસપી નક્કી કરવામાં આવી એટલે ખેડૂતોમાં એમએસપી લોકપ્રિય થયું. પ્રધાનમંત્રી યોજના ખેતી સામેનું જોખમ ઘટાડવા માટે એક નવું મોડલ વડાપ્રધાન મોદીએ આપ્યું છે. વાવેતર કરે અને પ્રીમિયમ અલગ ચૂકવવામાં આવતું હતું. પ્રીમિયમના તફાવતને કારણે આ કામગીરી થતી હતી. કપાસના વધારાનું પ્રીમિયમ રાજ્ય સરકારે ભરવાનું ગુજરાત સરકારે નિર્ણય કર્યો હતો.

ભારત સરકારે નિર્ણય કર્યો હતો કે ધિરાણ લેનાર ખેડૂતોએ પ્રીમિયમ ભરવું પડશે તેમાં ખેડૂતોને બેનિફિટ પણ મળતા હતાં પણ ખેડૂત સંગઠનો દ્વારા કિસાન મોરચા દ્વારા ફરજિયાત પ્રીમિયમ વાળું ખેડૂતોને ફાવતું નથી. આ વાત વડાપ્રધાનને ગઈ વખતે પહોંચાડી અને બાદમાં પ્રીમિયમ મરજિયાત કરવામાં આવ્યું. આ બિલોની પર ઉતાર્યા હતો તેના પર અમલ થવા દો જો અમલમાં મુકવામાં આવી અને ખેડૂતોને કોઈ તકલીફ પડે તો સરકાર સુધારા કરી શકે.

જોકે બિલ અમલમાં આવે તે પહેલાં જ પરત ખેંચવાની વાત કરવામાં આવી રહી છે તે અયોગ્ય છે. ખેડૂતોને નમ્ર અપીલ છે કે જે વડાપ્રધાન ખેડૂતોના પરિવારની નહીં પણ તેમની જમીનના પણ સમાચાર પૂછે છે ખેડૂતોને ખેતીના જોખમો ઘટાડવાના પ્રયાસ કર્યા છે. બમણી આવક કરવાના તેમાં બે ગણી બમણી આવક કરવાના પ્રયાસો કરવામાં આવે છે. 95,000 કરોડ રૂપિયા ખેડૂતોના ખાતામાં જમા કર્યા છે. વડાપ્રધાન પર શંકા રાખવાની કોઈ જરૂરિયાત નથી. નર્મદાના પાણીના કારણે ગુજરાતની કૃષિ ઉત્પાદન ક્ષમતામાં ચાર ગણો વધારો થયો છે.

કોમોડિટી એક્ટના કાયદામાં નિયંત્રણો હટાવી લેવાનો એક માત્ર ઉદ્દેશ હતો કે તેના ભાવ ખેડૂતોને મળી શકે. ભાવમાં ખોટો ઉછાળો આવે ત્યારે તેમાં નિયંત્રણ લાવવાની જોગવાઈ છે. એટલે ખોટું સંભાળ રાખવાની કોઈ જરૂરિયાત નથી. ભારતની કૃષિપેદાશોને મુક્ત બજારની હવા લાગી નથી એ લાગવા દો તો ખેડૂતોને લાભ મળી શકે. જૂની લાજ કાઢવાની પ્રથા પણ લગ્નમાં હવે લાગુ ન કરાય તેનું ઉદાહરણ કેન્દ્રીય રાજ્ય કૃષિ પ્રધાન પરશોત્તમ રૂપાલાએ આપ્યું હતું. નવી પેઢીને તેમની રીતે નવતર પ્રયોગ કે અભિગમ રાખવા દો.

સૌરાષ્ટ્રમાં 90% ખેતી કોન્ટ્રાક્ટર ફાર્મીગથી કરવામાં આવી રહી છે. કોન્ટ્રાક્ટ ફાર્મિંગનો કાયદામાં જમીન અંગેનો કોઈ ઉલ્લેખ જ નથી. કોન્ટ્રાક્ટ ફાર્મિગ કાયદો લાગુ થયા બાદ ખેડૂતો માટે મહત્વનાં બની રહેશે. ખેડૂત સંગઠનની માંગણી છે કે આ એક્ટમાં સિવિલ કોર્ટમાં જવાની જોગવાઈ નથી તે કરવી જોઈએ. જોકે ખેડૂત તરીકે હું પોતે તેનો ઇનકાર કરું છું પણ ખેડૂતો ઈચ્છતા હોય તો તે દિશામાં કેન્દ્ર સરકાર વિચારી શકે તેવો દાવો પણ કેન્દ્રિય કૃષિ રાજ્ય પ્રધાન દ્વારા કરવામાં આવ્યો હતો.

Leave a Reply

Your email address will not be published.